Þus og langar þagnir

Kiljan og konurnar og viðbrögðin og fleira

2011-03-19T23:21:00.009Z

Í gær birtist grein í Fréttatímanum (bls. 31) þar sem hópur áhugafólks um bókmenntir og jafnrétti gagnrýnir kynjahlutfallið í sjónvarpsþættinum Kiljunni. Ég er meðal þeirra 27 sem undir greinina skrifa. Ýmiss konar umræður spunnust fljótt af greininni. Til dæmis svaraði Egill Helgason greininni fljótt með blöndu af afneitun, réttlætingu, rangtúlkun og útúrsnúningum og stór hluti af kommentunum

Ekki endilega dáin ...

2011-03-19T22:56:00.004Z

Ég hætti aldrei formlega að blogga, þessi síða lognaðist bara einhvern veginn út af og síðan er óvart liðið hátt á þriðja ár. Nú er spurning hvort það er kominn tími til að snúa við blaðinu. a.m.k. um stundarsakir. Verst að Haloscan hefur lagt upp laupana og ég kann ekki við kommentakerfið sem tók við af því. Sennilega væri skást úr þessu að taka upp innbyggða kommentakerfið í Blogger,

Hjólavesen

2008-07-23T16:03:00.002Z

Fyrir tveimur vikum fékk ég hjólið mitt úr viðgerð eftir alllanga bið - mér til mikillar gleði. Gleðin varð ekki nógu langvinn því fyrir viku sprakk á hjólinu að aftan. Sem betur fer fékk ég snarlega gert við það og þóttist hafa himin höndum tekið á ný. Á mánudaginn sprakk aftur að aftan. Eins og nærri má geta er ég ekki fyllilega sátt við þetta. Vægast sagt.

Hávaðamengun

2008-07-20T01:39:00.003Z

Þegar fólk heldur partí og stillir græjurnar svo hátt frameftir nóttu að allt hverfið heyri örugglega, þá væri kannski lágmarks tillitssemi að spila almennilega tónlist. Ekki nauðganir Björgvins Halldórssonar á gömlum lögum þar sem meira að segja Í fjarlægð breytist í lyftutónlist.

Ferðast í bókum

2008-07-18T21:17:00.004Z

Ég er full af ferðaþrá en kemst lítið frá Reykjavík á næstunni. Verð að láta nægja að ferðast í huganum. Undir þessum kringumstæðum (og ótalmörgum öðrum) eru bækur fyrirtaks hjálpargögn. Margt verra en að lesa vegaljóð Ingunnar Snædal og 101 Ísland eftir Pál Ásgeir í bland. (Þessar tvær bækur eiga reyndar glettilega margt sameiginlegt, þrátt fyrir að falla bara óbeint í sama flokk: huglægar

Skæri

2008-07-17T17:45:00.002Z

Um þessar mundir stunda ég það töluvert að ráðast á eitthvað með skærum. Hártoppinn í gærkvöld, böndin á bolnum mínum í dag ... Hvað verður það næst? Þróunin gæti orðið ógnvænleg. Annars er ég ekkert sérlega ofbeldishneigð. Þótt ég hafi næstum hjólað niður svartan kött um daginn var það óviljandi og þar að auki kettinum að kenna.

Eurovision á sænsku

2008-05-20T17:59:00.007Z

Ég hef saknað norrænu umræðuþáttanna um Eurovision óumræðilega. Íslensku þættirnir fullnægðu ekki þörfum mínum fyrir vitsmunalega umræðu um keppnina. En þetta bjargaðist allt í gær - gleði mín var ómæld þegar ég uppgötvaði að á heimasíðu sænska ríkissjónvarpsins er hægt að horfa á þættina sem þar voru gerðir - og þeir eru eiginlega alveg eins og gömlu samnorrænu þættirnir nema núna eru það

Margprjónaða peysan

2008-04-30T13:29:00.002Z

Í fyrradag var ég búin að prjóna rúmlega hálfa lopapeysuermi og bolinn upp að handvegi. Sama dag rakti ég upp ermina því ég hafði klúðrað útaukningunni. Í gær rakti ég upp allan bolinn því ég var með alltof margar lykkjur á prjóninum. Það verður spennandi að sjá hvað mér tekst að prjóna sömu peysuna oft áður en yfir lýkur.

... og silfurbláan Eyjafjallatind ...

2008-04-29T18:01:00.006Z

Jökullinn var fagur, veðrið var frábært og ferðin gekk að öllu leyti fullkomlega.Tvær sprungur urðu á vegi okkar en þær hljóðuðu ekki neitt, enda kannski ekki dauðadjúpar þótt önnur væri drjúg. Við höfðum bara lausleg kynni af þeim: leiðsögumaðurinn lenti með löppina upp að mjöðm í annarri og barmurinn gaf sig þegar Álfhildur klofaði yfir hina en einhvern veginn tókst henni að detta aftur fyrir

Fornmaður?

2008-04-27T23:40:00.010Z

Í gær hafði ég öxi í hönd og lét ófriðlega.(Þar sem ég er rúðustrikuð skal tekið fram að síðasti parturinn er lygi af bókmenntalegri nauðsyn.)

Misjöfn verða morgunverkin

2008-04-25T23:10:00.002Z

Á morgun verður haldið á Eyjafjallajökul. Tilhugsunin um einn hluta ferðarinnar er svolítið uggvænleg: nauðsyn þess að vakna upp úr klukkan sex. Það verður töluverð tilbreyting frá hefðbundnum laugardögum þegar morgunverkin felast helst í svefni.

Ung í eyra

2008-04-23T13:33:00.001Z

You are about 20 years oldThe teen repellent will no longer foil you, but you can still hear some pretty high tones.The highest pitched ultrasonic mosquito ringtone that I can hear is 16.7kHzFind out which ultrasonic ringtones you can hear!

Skundi

2008-04-22T13:38:00.005Z

Þegar gönguhópurinn minn var stofnaður tók drjúga stund að finna hentugt heiti en á endanum var kosið milli nafnanna Gangvirkið og Skundi. Valið var erfitt þangað til bókmenntanördinn gerði sér ljóst að valið stæði milli Ólafs Jóhanns Sigurðssonar og Enid Blyton. Sem betur fer höfðu aðrir í hópnum svipaðan smekk og einróma sátt náðist um Skunda.

Hvur rækallinn röndóttur

2008-04-21T11:01:00.003Z

Tilhugsunin um röndótta þemadagnn var lengi erfið því ég á nákvæmlega ekkert röndótt. Á endanum blasti lausnin þó við - og hún var einlit. Í dag er ég ein rauð rönd.

Tæknileg framleiðsla

2008-04-17T14:46:00.002Z

"... hluti mannslíkama sem er einangraður frá honum eða framleiddur á annan hátt með tæknilegri aðferð ..."

Hafnir á vegum?

2008-04-16T16:42:00.000Z

"Jafnsetning hafnanna felur í sér að þær séu svipað á vegi staddar hvað það varðar að uppfylla staðalkröfur."

Spurt og svarað

2008-03-24T13:57:00.003Z

Hvað er eiginlega málið með nánustu ættingja mína og spurningakeppnir? Hvaða árátta er eiginlega í gangi þannig að þetta fólk getur ekki látið sér nægja að sitja heima hjá sér og spila Trivial eins og eðlilegar manneskjur? Arna (sem er svo mikil náfrænka mín að hún er eiginlega miklu meira) er nýbúin að brillera í Gettu betur og var bara hársbreidd frá sigri í úrslitunum. Og rétt í þessu var

Málsháttarklúður

2008-03-23T17:27:00.005Z

Varúð! Þessi bloggfærsla er tuð af sama tagi og bréf frá "konu í Vesturbænum". Það er alkunna að málshátturinn er mikilvægasti parturinn af páskaegginu. Mörg síðustu ár hef ég þrjóskast við að kaupa Nóa-Síríus-egg þótt mér finnist súkkulaðið í þeim ekkert gott, bara vegna þess að í þeim hafa allavega verið alvöru málshættir, ólíkt heimatilbúna kjaftæðinu sem hefur t.d. verið í Mónu-eggjunum. Núna

Hattífatti

2008-03-21T21:02:00.003Z

Ég vissi að ég væri skrýtin - en er þetta ekki einum of? Hvem er du i Mummidalen?Mitt resultat:HattifnattDu er Hattifnatt! Du er merkelig du! Ta denne quizen på Start.no

Erna öfugsnúna?

2008-03-13T20:46:00.003Z

Í morgun fór ég í vinnuna í grænu pilsi og með eitthvað svart sem trefil en kom áðan heim með svart sjal bundið um neðripartinn og með grænt fyrrverandi pils um hálsinn. Lærdómur dagsins: Þegar fötin reynast í tætlum er gott að eiga stóra klúta.

Misheyrn dagsins

2008-03-05T16:54:00.007Z

E: Ég er að reyna að lesa lög um sértryggð skuldabréf ...Þ: Ha - ljóð um sértryggð skuldabréf?!E: Hmmm, kannski gengi betur að lesa þetta með ljóðrænu hugarfari ...Það er bara eitthvað við orðalag eins og "gagnaðilar útgefanda í afleiðusamningum" sem fyllir mig löngun til að einbeita mér að einhverju öðru. Næstum hverju sem er. Og reyndar dugar orðið "afleiðusamningar" yfirleitt eitt til að

Brenglað veruleikaskyn?

2008-01-22T13:55:00.000Z

Síðustu daga hef ég reglulega efast um veruleikaskyn mitt. Öðru hverju hefur mér fundist ég stödd í hliðarheimi þar sem Baggalútur stjórnaði öllum fréttastofum og sú tilfinning ágerðist verulega í gær. Það verður gott að komast úr landi um helgina, þótt það verði skammvinn sæla. Kannski ég reyni bara að týna flugmiðanum til baka.

Jólasnjór, jólasnjór ...

2007-12-24T12:17:00.000Z

Það fór að snjóa á Akureyri um kvöldmatarleytið í gær, ég var að líma rauða teipið í gluggann, í húsinu er hangikjötslykt o.s.frv. þannig að nú er allt að verða eins og það á að vera. Gleðileg jól!

Til upplýsingar

2007-12-23T14:25:00.000Z

Matarlystin birtist blessunarlega aftur á fimmtudaginn. Ég var verulega fegin, enda ekki vön að vera týpan sem notar gaffalinn bara til að færa matinn fram og til baka á disknum. Ég er komin norður, búin að skera laufabrauð, er að fara að festa upp keðjuna sem var föndruð fyrir sennilega hátt í aldarfjórðungi (er ég virkilega svo gömul?) og það er jafnvel farið að örla á jólaskapi. Snjóinn vantar

Lýst eftir lyst

2007-12-19T16:20:00.000Z

Lýst er eftir matarlyst. Hún var flæmd á brott af flensuóféti fyrir viku og hefur ekki sést síðan. Skilvísir finnendur eru vinsamlegast beðnir að vísa henni veginn heim til mín.

2007-12-12T13:56:00.000Z

Fjárlagasturlunin helltist yfir af fullum þunga um daginn, m.a. með afleiðingum sem sjá má á meðfylgjandi myndum (sem sýna jafnframt að fjárlagafrumvarpið er til margra hluta nytsamlegt). Tekið skal fram að þetta eru ekki jólapokar heldur fjárlagapokar og þeir eru hjartalaga vegna þess að mér þykir vænt um fjárlög íslenska ríkisins, mér þykir vænt um fjárlög íslenska ríkisins, mér þykir vænt um

2007-12-08T18:57:00.000Z

Fyrir nákvæmlega ári bloggaði ég: "Er nokkuð nauðsynlegt að eiga sér líf utan vinnu?" Ég gæti sagt eitthvað svipað núna. Það er samt ekki þess vegna sem ég hef ekkert bloggað upp á síðkastið (getur "síðkast" ekki alveg náð yfir nokkra mánuði?) - það 'skeði bara einhvern veginn fyrir mig' (þetta finnst mér skemmtilegt orðalag) að bloggið lognaðist út af. Kannski væri sniðugt að fara að blása

Meðalnörd

2007-08-23T21:49:00.000Z

Hirðfífl

2007-07-11T03:19:00.000Z

Upp á síðkastið hef ég verið á kafi í gömlum Alþingistíðindum sem er stórskemmtilegt. Af því tilefni kemur hér ein litil getraun. Hver sagði þetta og um hvern á Alþingi í janúar 1943? "Ræða háttvirts þingmanns var furðuleg að fleiru en þessu. Það voru á henni tvær hliðar. Háttvirt deild gat að vísu haft skemmtun af henni, ef litið var á hana frá því sjónarmiði, að háttvirtur þingmaður væri að

Örlögunum storkað?

2007-07-04T19:32:00.000Z

Ég var að kaupa sumarlegan kjól. Hlýtur ekki þar með að vera úti um sumarveðrið?

2007-06-30T16:25:00.000Z

Mikið er gott hvað Morgunblaðið er duglegt að skilgreina veruleikann. Af Staksteinum í dag fræddist ég um það að blogg er "í raun og veru ekkert annað en blaðagreinar sem eru birtar á netinu og skrifaðar í svolítið öðrum stíl." Ég hef augljóslega vaðið í villu og svíma í meira en fimm ár. Nú er spurning hvað er til ráða. Á ég að eyða þessari síðu þar sem hún fellur ekki undir skilgreiningar

Líffræðitilraun

2007-06-28T16:34:00.000Z

Á skrifstofunni minni er líffræðitilraun í fullum gangi. Ég bíð spennt eftir að uppgötva hvort ég drepst fyrst úr hita, óhóflegri sólargeislun eða súrefnisskorti.

Sumarlegustu skórnir

2007-06-26T16:22:00.000Z

Ljósbleikir, dökkbleikir, fjólubláir, gulir og pínu hvítir, brjálæðislega rósóttir og með pinnahæl til að gata þykkustu ristar í gegn.

Krabbaklær

2007-06-25T23:28:00.000Z

Í gönguferð um daginn fann ég lítinn krabba í fjörunni sem ég tók með heim og setti á skrifborðið mitt. Síðan hef ég reynt að telja mér trú um að ef ég verði ekki mesti dugnaðarforkur að vinna lifni hann snarlega við, margfaldist að stærð og læsi í mig klónum.

2007-06-25T20:16:00.000Z

Er þetta ekki Reykjavík í hnotskurn? Allt leggja einkabílarnir undir sig.

2007-06-25T02:27:00.000Z

Nú er lágskýjað og nógu dimmt til að það hafi kviknað á ljósastaurunum. Ég er hrædd um að það verði ekki eins gaman að horfa út um norðurgluggann á eftir og það var fyrir tuttugu og tveimur tímum. Jónsmessusólarupprásin var frekar lagleg. Myndin gerir henni ekki almennileg skil (ég kann ekki að mynda svonalagað) en ég læt hana samt fylgja:

Ísfólksgetraunaruppgjör

2007-06-25T01:43:00.000Z

Það hefur farist fyrir í meira en viku að gera upp Ísfólksgetraunina en eins og sjá hefur mátt í hægri dálkinum sigruðu Sölvabakkasystur með glæsibrag og fengu 21 stig en Mummi stóð sig líka frábærlega og hlaut 16 stig. Þeim er hér með öllum boðið í mat við tækifæri - þar sem verðlaun verða afhent - og Hafdís má mjög gjarnan koma með Mumma þótt hún hafi bara lesið Ísfólkið einu sinni (sem ég hélt

Ísfólksgetraun - 10. spurning C

2007-06-15T19:30:00.000Z

Hver segir þetta, af hvaða tilefni og í hvaða bók? "Ég hef fengið gott uppeldi og menntun og mér finnst að ég gæti notað hana ..."

Ísfólksgetraun - 10. spurning B

2007-06-15T18:15:00.000Z

Hver er þetta, hvað er að gerast og hver er bókin? "Hún var kvendýrið, hindin, sem bíður stökksins ..."

Ísfólksgetraun - 10. spurning A

2007-06-15T17:00:00.000Z

Hver er þetta, hver varð á vegi hennar stuttu síðar og hver er bókin? "Hún heyrði fylleríisraus og söng frá torginu við dómkirkjuna."

Um lokaspurninguna

2007-06-15T16:22:00.001Z

Lokaspurningin verður þríþætt og hver hluti birtist sem sérstök færsla.P.S. kl. 16.41: A-liður birtist kl. 17.00, B-liður kl. 18.15 og C-liður kl. 19.30. Ég tjái mig ekkert um svörin fyrr en í fyrsta lagi seint í kvöld.

2007-06-15T14:58:00.001Z

Stefni að því að birta lokaspurninguna um fimmleytið í dag en vonandi verður hún nógu erfið til að svarið berist ekki samstundis og fólk þurfi því ekki að vera límt við tölvuna heldur eigi færi á að koma visku sinni á framfæri eitthvað fram eftir kvöldi. Þetta er háð því að ég komist nógu snemma heim úr vinnunni.

2007-06-15T13:20:00.000Z

Bara ein spurning eftir í Ísfólksgetrauninni og spennan magnast! Síðustu tvær spurningar hafa verið frekar auðveldar en nú fer ég aftur að leyta að kvikindinu í sjálfri mér til að semja lokaspurninguna. Hvort viljið þið frekar fá hana seinna í dag (um kvöldmatarleytið) eða eftir hádegi á morgun?

Ísfólksgetraun - 9. spurning

2007-06-15T12:00:00.000Z

Hver eru það sem slást hér, hvers vegna og úr hvaða bók er þetta?"Hann komst fljótt að því, að [X] var illkvittnari og erfiðari viðureignar en nokkur stúlka, sem hann hafði kynnst. Hér var ekki verið að tala um neitt jafnómerkilegt og hnefahögg í bakið, ó, nei! Maðurinn veinaði af sársauka, þegar hún læsti tönnunum í langan vöðvann, sem liggur frá hálsi til axlar, með hinni hendinni togaði hún í

2007-06-14T21:53:00.000Z

Svar við áttundu spurningu barst leiftursnöggt. Hvernig litist ykkur á að fá 9. spurningu um hádegið á morgun?

Ísfólksgetraun - 8. spurning

2007-06-14T21:30:00.000Z

Hver segir þetta, við hverja, hvert var tilefni samtalsins og í hvaða bók er þetta? "Heldurðu að ég muni ekki ... hvað þér var illa við heimilisstörf? Nei, þú sagðir það aldrei, og kvartaðir aldrei, en ég man eftir því, þegar þú hentir þvottabalanum yfir þvert herbergið, eða hentir sópum og fötum í reiði þinni, svo að við urðum að forða okkur. Og yfir því, að þú grést, þegar fötin okkar slitnuðu,

2007-06-14T16:13:00.000Z

Þar sem ætlunin er að hafa næstu spurningu auðveldari en þær síðustu er sennilega ráðlegt að tilkynna tímasetningu fyrirfram. Því er hér með gjört heyrinkunnugt að 8. spurning birtist um hálftíuleytið í kvöld (ef enginn hreyfir andmælum).

2007-06-14T14:44:00.000Z

7. spurning ætlar að reynast drjúg en nú fer þetta vonandi að koma; ég var allavega að setja inn vísbendingu nr. 3 sem hlýtur að vera gagnleg. Svefninn er í rúst; ekki nóg með að þessi getraun sé eiginlega farin að leggja undir sig hálfan sólarhringinn heldur var ég fram undir morgun að reyna að koma nýja, flotta prentaranum/skannanum mínum í þráðlaust netsamband - en það gekk bara alls ekki.

Ísfólksgetraun - 7. spurning

2007-06-13T22:29:00.000Z

Hver er bókin, hver sagði þetta, við hvern/hverja, af hvaða tilefni og hvað gerðist fljótlega á eftir? "Nú verð ég að skjóta mig!"- - - - -1. vísbending (14. júní kl. 11.55): Aðeins lengri útgáfa af tilvitnuninni: "Skilurðu það ekki [...]? hvíslaði hann rámur. - Nú verð ég að skjóta mig."2. vísbending (14. júní kl. 13.42):Þetta gerist einhvern tíma á tímabilinu frá 5. bók (Dauðasyndinni) til 10.

2007-06-13T18:37:00.000Z

Um daginn sorteraði ég loksins Berlínarmyndirnar mínar, setti slatta inn á Flickr og staðsetti allt saman á korti (já, auðvitað gat ég ekki látið það vera). Þessi var tekin í undirgöngunum við Alexanderplatz; mér fannst þetta fyndið og óvænt stefnumót milli neðanjarðarmenningarinnar og kapítalismans:

2007-06-13T18:25:00.000Z

Sölvabakkasystur eru komnar með níu stig og Mummi líka þannig að þau eru orðin jöfn í efsta sæti (sjá hægri dálkinn á síðunni). Nú er þetta virkilega að verða spennandi. Þetta er svo harðsnúið fólk að getraunin sem átti bara að verða saklaus og einföld skemmtun virðist vera á góðri leið með að leggja líf sumra undir sig, þar á meðal mitt þar sem ég fer að verða í megnustu vandræðum með að semja

2007-06-13T14:33:00.000Z

Vísbendingin er komin. Bíð spennt að sjá hvort hún kemur að gagni eða hvort hún flækir málin bara enn frekar ...

2007-06-13T14:09:00.000Z

Á ég að gefa vísbendingu um 6. spurningu?

Ísfólksgetraun - 6. spurning

2007-06-12T23:11:00.000Z

Hver er bókin, hver hugsar þetta, um hverja og hvernig eiga þau eftir að tengjast? "Hún minnti hann meira en lítið á Brontë-systurnar. Innilokaðar, bældar og einangraðar, en fullar af sköpunarkrafti innra með sér sem lét ekki hemja sig."- - - - - 1. vísbending (13. júní kl. 14.32): "Hún" dó áður en "hann" fæddist.

2007-06-12T22:23:00.000Z

Túlípanarnir í Alþingisgarðinum eru alveg búnir. Þeir voru svo flottir um daginn. Bráðum verður sennilega plantað einhverjum óspennandi sumarblómum.

2007-06-12T19:36:00.001Z

Ég er enn í vinnunni og verð um stund þannig að einhver bið verður á næstu spurningu í Ísfólksgetrauninni. Bendi á hins getraunina meðan beðið er; enginn hefur sýnt henni áhuga í dag. Ég var að bæta 3. vísbendingu við. Fáránlegt, annars, að vera í vinnunni í þessu góða veðri sem loksins kom.

2007-06-12T10:25:00.000Z

Hvorki hefur borist fullnægjandi svar við Ísfólksspurningu nr. 5 né spurningunni um bókina í handtöskunni. Nú eru komnar tvær vísbendingar við þá síðarnefndu. Látið ljós ykkar skína!

Ísfólksgetraun - 5. spurning

2007-06-11T23:16:00.000Z

Hverjir talast hér við og hverjar voru slæmu fréttirnar sem minnst er á? "- Það er gott, að þér eruð kominn [...] Gamli líflæknirinn minn gaf mér stundum eitthvað til að sofa af. Og ég var syfjaður allan daginn. Það gengur ekki. Maður vaknar þó af meðölum yðar.- Ég geri mitt besta, yðar náð [...] Mér skilst, að þér hafið fengið slæmar fréttir?"

Lesendavirkjun

2007-06-11T22:04:00.001Z

Átakið "lesendur virkjaðir" gengur framar vonum og skilar mun meira afli en ráð var fyrir gert. Ekki nóg með að ýmis góð svör (og tilraunir til svara) hafi borist við síðustu getraunaliðum, heldur sýna Eyja og Dísa líka vægast sagt snilldarleg tilþrif í kommentum við færsluna um forsetasetur. Ég var annars föst í vinnunni fram eftir öllu, sem hefur tafið fyrir næstu Ísfólksspurningu, en nú er ég

Orð dagsins

2007-06-11T16:05:00.000Z

forsetasetur

Bókin í handtöskunni

2007-06-11T14:06:00.000Z

Næsta Ísfólksspurning birtist ekki fyrr en í kvöld - en til að eitthvert efni á þessari síðu verði við hæfi annarra en Ísfólksaðdáenda verður nú að nýju spurt út úr því sem ég er að lesa hverju sinni (öðru en Ísfólkinu). Sú getraun getur kallast "bókin í handtöskunni". Eftirfarandi tilvitnun er einmitt úr bók sem ég ber með mér um bæinn nú um stundir - hver er hún? "Eins og ég hef stundum sagt,

2007-06-10T17:35:00.000Z

Það stendur eitthvað á svörum við nýjustu spurningunni. Mummi er þó búinn að gera ýmsar hetjulegar tilraunir. En hvar eru t.d. Sölvabakkasystur og Guðný?

Ísfólksgetraun - 4. spurning

2007-06-09T22:25:00.000Z

Hverjir eru málsaðilar hér og í hvaða bók er þetta? "... hún hafði komið með hálfkveðna vísu í eitt skiptið og strokið lærið á honum! Hvað ímyndaði hún sér? Hér var það hann sem réði hraðanum, og þó hann hefði strokið uppþornuð brjóst hennar einu sinni, bara svona í framhjáhlaupi, þá þýddi það ekki að hún gæti farið að taka sér bessaleyfi! Hún sem átti enga peninga lengur!"

Reglur um Ísfólksgetraun

2007-06-09T20:19:00.000Z

Spurningarnar verða sennilega tíu. Þær geta samt alveg orðið fleiri eða færri eftir því hvernig ég verð stemmd.Ný spurning verður ekki borin upp fyrr en þeirri næstu á undan hefur verið svarað. (Miðað við hvað svörin hafa borist fljótt er sennilega takmörkuð hætta á að þetta tefji fyrir.) Að öðru leyti verður engin regla á því hvenær spurningarnar birtast; það er svosem líklegt að oftast verði

Ísfólksgetraun - 3. spurning

2007-06-07T21:54:00.000Z

Hver er þetta og í hvaða bók? "... sat efst uppi í litla ferhyrnta turninum á þakinu á Grásteinshólma. Augun loguðu við þrumuskýjunum. Andlitið ljómaði af hrifningu, næstum eldmóði, í hvert skipti sem elding lýsti upp himininn ..."Kannski ég fari svo að semja einhverjar reglur um þessa getraun.

2007-06-07T15:20:00.000Z

Ég var að uppgötva möguleikann á að staðsetja flickr-myndirnar mínar á korti. Algjör snilld - en mig vantaði kannski ekki nýja nördalega áráttu til að sóa tímanum í. Óttast samt að ég standist ekki freistinguna.

Ísfólksgetraun - 2. spurning

2007-06-06T23:30:00.000Z

Hver lýsir hverjum svo (og í hvaða bók)? "... [hann] var víst óhugnanlegur, þegar hann var nýfæddur. Hann var skemmtilegur, lítill prakkari, þegar ég hitti hann og hafði sitt lag á kvenþjóðinni. Það var alveg hræðilegt að eiga við hann, en þjónustustúlkurnar fyrirgáfu honum allt! Það boðar ekki gott."

2007-06-06T14:16:00.000Z

Myndir frá Leipzig fóru inn á Flickr-síðuna í fyrrakvöld. Þær eru aðallega af húsum - en einstaka af einhverju öðru, t.d. þessum trjágöngum í Clöru Zetkin garði sem eru einn af uppáhaldsstöðunum mínum í borginni:

2007-06-05T16:12:00.001Z

Mér finnst verulegur skortur á fagnaðarlátum yfir Ísfólksgetrauninni!

Skítaveður

2007-06-05T10:29:00.000Z

Nú væri gott að vera heima. Í dag er veður til að kúra uppi í sófa með tebolla og afþreyingarbók (Ísfólkið kæmi sterkt inn), kannski við kertaljós, og hlusta á Rás 1. Ekki hjóla í roki og rigningu til að lesa nefndarálit og laga línuskiptingar í lagasafni.

Ísfólksgetraun - 1. spurning

2007-06-04T22:38:00.000Z

Í hvaða bók kemur bærinn Tobrönn við sögu og hver af ætt Ísfólksins dvaldist þar?

2007-05-30T02:08:00.000Z

Ég er búin að vanrækja Flickr-síðuna mína í allan vetur en nú druslaðist ég loksins til að setja inn myndir frá Napólí og nágrenni síðan í september. Ef ég verð áfram dugleg við annað en það sem ég ætti að einbeita mér að er aldrei að vita nema myndir frá Berlín og Leipzig síðan í október komist inn á síðuna von bráðar. Enn hefur enginn giskað á rétt dagblað. En nú hlýtur þetta að fara að koma -

2007-05-28T22:45:00.000Z

Getraun! (Ekki úr Ísfólkinu að sinni, það bíður betri tíma.)Þessi er frekar einföld því valmöguleikarnir eru ekki margir. Einfaldlega er spurt: Í hvaða dagblaði birtust þessi orð árið 1946? Sérlega getspakir mega láta fylgja sögunni hvern þeir telja höfundinn vera. "Kommúnistar hafa kveinað sáran út af þeirri illu meðferð, sem þeir telja sig hafa sætt af hendi vondra manna, þá er úthlutað var

2007-05-28T13:18:00.001Z

Jæja, mér tókst að koma Haloscan aftur inn. Nú fer þetta að verða þolanlegt. Ég ætlaði reyndar ekki að fá trackback-dæmið inn í leiðinni en ég get svosem lifað með því í bili.

2007-05-28T01:06:00.001Z

Í tilefni af fimm ára bloggafmæli mínu (sem er í dag) ákvað ég að framkvæma byltingarkennda aðgerð (svo stofnanalegt orðalag sé viðhaft) og breyta útlitinu á þessari síðu. Eins og sumir vita er ég ekkert mikið fyrir ástæðulausar útlitsbreytingar, sbr. að ég varð einu sinni alvarlega miður mín úti í búð þegar ég uppgötvaði að ástæðan fyrir því að ég fann ekki sykurinn var að Dansukker hafði breytt

2007-05-27T21:08:00.000Z

Meðal þess sem fer í taugarnar á mér um þessar mundir er eftirfarandi:Takmarkanir hinnar annars frábæru síðu tímarit.is, einkum: a) Tímarit frá tímabilinu sem ég er að skoða (miðbikinu á 20. öld) eru almennt ekki þarna inni - þetta er fyrst og fremst eldra dót. b) Þótt það sé frábært að geta leitað vel og vandlega í Mogganum er óþolandi að hin dagblöðin skuli ekki vera komin þarna inn. Ég veit að

2007-05-27T15:46:00.000Z

Ég hef smávegis áhyggjur af því að enginn skuli svara getraununum mínum rétt nema pabbi - það er semsagt hann (geri ég ráð fyrir) sem kvittar í kommentakerfið með tilvitnunum í kvæðið "Karl faðir minn" eftir Jóhannes úr Kötlum. Fyrir utan þá sem snerist um Lúlla-bækurnar. Ætti ég kannski að fara að koma með spurningar upp úr einhverju fleiru sem pabba finnst ómerkilegt? Til dæmis Ísfólkinu?

2007-05-26T20:44:00.001Z

Vísbending: Konan var skáld.

2007-05-24T23:41:00.000Z

Meiri getraun:Um hvaða konu skrifaði Jóhannes úr Kötlum þetta árið 1943?"Hún er okkar fjallkona, okkar bábuschka, - í persónu hennar glitrar einmitt sú ódauðlega lífsfegurð, sem framtíðin mun elska og ávaxta. Í alþýðlegri tign fórnarviljans hefur hún gefið okkur hjarta sitt, - þess vegna finnst okkur hún svona ung og falleg og léttstíg á jörðinni. Ó, að ég væri brúðguminn hennar í dag!"

2007-05-24T14:43:00.000Z

Framhald um hárið á mér: "Mjög pæjuleg" er kannski orðum aukið. Til þess þyrfti ég að hafa svolítið fyrir hárinu á hverjum degi og því nenni ég ekki. Réttara væri kannski að segja "mun pæjulegri en fyrir klippinguna".

2007-05-24T00:12:00.000Z

Getraun!Hver sagði og um hvaða bók? Mikilvæg sérnöfn eru dulkóðuð af skiljanlegum ástæðum. "Síst kemur mér á óvart þótt einhver Rússi hafi lofað þá bók, enda hefur henni vafalaust verið feginsamlega tekið í ritdómum þar í landi. Hitt er málum blandað, og misskilningur, að ég hafi reynt að koma því til leiðar að bannað yrði að þýða bókina á erlendar tungur. Enginn getur lagt bann á þýðingu

2007-05-23T19:39:00.000Z

Ég var eiginlega búin að gleyma að ég hefði einhvern tíma vaknað úr bloggdái. Er það ekki frekar undarleg kölkun? Stundum langar mig að blogga um pólitík en ég er alltof samviskusamur þingstarfsmaður til að láta það eftir mér, auk þess sem það er ekki beinlínis skortur á leiðinlegu blaðri um pólitík í bloggheimum. Og ekki vil ég verða eins og einhver fjandans Moggabloggari. Sá fátíði atburður

2007-04-27T13:43:00.000Z

Stundum langar mig að vera í þjóðkirkjunni - til að geta sagt mig úr henni.

2007-04-25T15:32:00.000Z

Meiri veikindalestur. Hver er höfundur bókarinnar þar sem þessi orð koma fyrir? "Ó, góða tungl, hve ég hlakka til að koma til Ósló."

2007-04-24T21:21:00.000Z

Það er ástæða til að rifja upp grein eftir Ármann frá í fyrra: Strætóhatararnir hafa tekið völdin. Sem betur fer keypti ég mér hjól í haust.

2007-04-24T16:44:00.000Z

Ég er búin að vera lasin - mér til ómældra leiðinda. Skil ekkert í því að ég sem er venjulega afbrigðilega heilsuhraust skuli hafa veikst í annað skiptið á árinu. Eða jú, reyndar er það alveg skiljanlegt: venjulega klæði ég mig eftir veðri en drjúgan hluta af síðustu viku reyndi ég að afneita því að það væri kalt. Fyrir það hefndist mér rækilega og það hefur reynt töluvert á þolinmæðina. Svo hef

2007-04-20T21:06:00.001Z

Gleymdi makedónska söngkonan pilsinu sínu heima?

2007-04-20T11:54:00.000Z

Akkuru er bloggið mitt hætt að birtast á Mikka vef? Akkuru, akkuru ...? - Og akkuru í ósköpunum er ég að spyrja að þessu svona út í tómið? Fyrst bloggið birtist ekki á listanum les þetta enginn þannig að spurningunni verður tæplega svarað.

2007-04-19T22:57:00.000Z

Einfaldasta öndunarvélin fyrir þetta blogg er sennilega að búa til getraunir upp úr því sem ég les. Getur einhver svarað því úr hvaða bók þetta er?"... hann starði yfirkominn á þetta snjóhvíta andlit, augun, hálflukt og brostin, opinn munninn, slíkjuvota lokkana, og honum fannst þjóð sín liggja þarna dáin í lynginu, myrt af framandi valdi, sem engu eirði í kapphlaupi sínu um ryð og möl."

2007-04-19T22:47:00.000Z

Gleðilegt sumar! Ég lifði veturinn af þótt bloggið hafi eiginlega ekki gert það - en nú blæs ég kannski í það agnarlitlu lífi um stundarsakir svo ég geti fagnað fimm ára bloggafmælinu í maí. Það er ómögulegt að glutra niður tækifæri til að gleðjast yfir einhverju. Ég tók t.d. þá stefnu að gleðjast yfir hverju einasta skipti sem vorið kemur. Þá gefast mörg fagnaðarefni á hverju ári. Í dag lék ekki

2007-02-07T19:23:00.000Z

Ég nota alltof mörg atviks- og lýsingarorð sem enda á -lega/-legur. Best að fara að lesa orðabækur.

2007-02-07T16:05:00.000Z

Ég hata nýja fréttastefið. Ekki (bara) vegna þess að ég þoli ekki breytingar af þessu tagi heldur af því að það er ömurlega dauðyflislegt og hallærislegt.

2007-02-06T14:42:00.000Z

Fornöfn eru ágæt en öllu má nú ofgera. Í bók sem ég er að lesa er textinn á köflum svo morandi í fornöfnum (aðallega pfn. en í bland eru nokkur afn. og efn.) að ætla mætti að þetta væri málfræðiæfing fyrir skólabörn. Hér er dæmi: "Hann hjálpaði henni að flytja og hringdi í hana reglulega næstu vikur til að heyra í henni hljóðið. Kannski fannst henni hann vera að sinna sér eins og hann sinnti

2007-02-06T11:38:00.000Z

Síðan ég bloggaði síðast er ég m.a. búin að:fagna áramótum (gleðilegt ár!),fara til Strassborgar með viðkomu í Kaupmannahöfn og verða margs vísari um mannréttindadómstól Evrópu, Evrópuráðið, Norðurlandaráð og ýmislegt fleira,sitja stofnfund félags landeigenda á Íslandi sem "umboðsmaður landeigenda" Grænavatns (býsna virðulegur titill),eiga afmæli og halda upp á það - sem varð mér að vanda tilefni

2006-12-30T21:33:00.000Z

Hugsað á Þorláksmessu (eftir að hafa heyrt óendanlega margar "hugheilar" jólakveðjur): Næsta ár ætla ég að senda jólakveðju "með hálfum huga".

2006-12-29T22:52:00.000Z

Ég verð mjög sjaldan lasin en þegar það gerist er það ótrúlega oft í árslok. Annaðhvort hlýt ég að hafa ofnæmi fyrir jólunum eða ég höndla afslöppun engan veginn. Á aðfangadag og jóladag var ég hálflasin - eða varla það, kannski frekar einn-fjórða-lasin. Síðan hefur þetta ágerst smám saman en ég held að versti dagurinn hafi verið í gær og nú sé ég að hjarna við. Reyndar er ég enn slöpp en kvefið

2006-12-24T14:19:00.000Z

Sokkabuxurnar fengust þannig að ég slapp frá jólakettinum. Gleðileg jól!

2006-12-24T12:43:00.000Z

Ég er alveg að fara í jólaköttinn! Get ég ekki bjargað mér með því að drífa mig út í snatri og kaupa sokkabuxur?

2006-12-23T18:36:00.000Z

Ég nennti ekki út að kaupa jólaseríur - það var miklu notalegra að sitja bara heima og hlusta á jólakveðjur í útvarpinu. En svo komst ég í flugvél á endanum og er semsagt komin norður í foreldrahús núna. Búin að fá mér ostabrauð með tómastsósu og drekka mjólk með (það er hefð) og nú er komið að laufabrauðsskurði. Þá styttist í að jólin megi koma.

2006-12-23T14:11:00.000Z

Það er röð út úr dyrum á flugvellinum! Ég átti pantað flug til Akureyarar um hádegi en það frestaðist eins og við mátti búast og var nokkrum sinnum í athugun á hálftíma fresti. Svo fékk ég tilkynningu um að það væri orðið fært en fyrst þyrfti að flytja fólk sem átti að fljúga í gær; ég ætti að athuga með flug klukkan fjögur. Ég ákvað samt að rölta út á flugvöll í von um að nógu margir hefðu hætt